АНАФЕМАТИЗМЫ чина
Торжества Православия
Диаконские возглашения, принятые в уставе XIX века.
Отрицающим бытие Божие и утверждающим, яко мир сей есть самобытен и вся в нем без промысла Божия и по случаю бывает АНАФЕМА (трижды)
Глаголющим Бога не быти дух, но плоть; или не быти Его праведна, милосерда, премудра, всеведуща и подобная хуления произносящим АНАФЕМА (трижды)
Дерзающим глаголати, яко Сын Божий не единосущный и не равночестный Отцу, такожде и Дух Святый, и исповедающим Отца, и Сына, и Святого Духа не единого быти Бога АНАФЕМА (трижды)
Безумне глаголющим, яко не нужно быти ко спасению нашему и ко очищению грехов пришествие в мир Сына Божия во плоти, и Его вольное страдание, смерть и воскресение АНАФЕМА (трижды)
Неприемлющим благодати искупления Евангелием проповеданного, яко единственного нашего ко оправданию пред Богом средства АНАФЕМА (трижды)
Дерзающим глаголати, яко Пречистая Дева Мария не бысть прежде рождества, в рождестве и по рождестве Дева АНАФЕМА (трижды)
Неверующим, яко Дух Святый умудри пророков и апостолов и чрез них возвести нам истинный путь к вечному спасению, и утверди сие чудесами, и ныне в сердцах верных и истинных христиан обитает и наставляет их на всякую истину АНАФЕМА (трижды)
Отмещущим бессмертие души, кончину века, суд будущий и воздаяние вечное за добродетели на небесех, а за грехи осуждение АНАФЕМА (трижды)
Отмещущим все таинства святая, Церковью Христовою содержимая АНАФЕМА (трижды)
Отвергающим соборы святых Отец и их предания, Божественному Откровению согласная, и Православно-Кафолическою Церковью благочестно хранимая АНАФЕМА (трижды)
Ежели изволиши, глаголи и сице: Помышляющим, яко православнии государи возводятся на престолы не по особливому о них Божию благоволению и при помазании на царство дарования Духа Святаго к прохождению великого сего звания на них не изливаются: и тако дерзающим противу их на бунт и измену АНАФЕМА (трижды)
Ежели ни, глаголи сие: Гонителю Церкви Христовыя и хулителю Таин Божиих, раскола автокефального и неблагодатного на Украине и в иных странех насадителю, ереси двуцерковной изначальнику, на соблазн и вечную погибель не токмо себе, а и братиям нашим, сана же церковнаго неправедному похитителю и уничижителю - Михаилу, сыну Антона (Денисенко), иже лжеименно ся сказует "партиархом Киевским Филаретом", АНАФЕМА (трижды)
Ругающим и хулящим святыя иконы, ихже Святая Церковь к воспоминанию дел Божиих и угодников Его, ради возбуждения взирающих на оныя ко лагочестию, и ко оных подражанию приемлет, и глаголющим оныя быти идолы АНАФЕМА (трижды)
Теософом и прочим еретиком, дерзающим глаголати и пребезумне учити, яко Господь наш иисус Христос не единожды на землю сниде и воплотися, но мнодицею воплощашеся, такожде и отрицающим, яко истинная премудрость Отчая есть Сын Его единородный и вопреки Божественному Писанию и учению святых Отец ищущим иныя премудрости АНАФЕМА (трижды)
Масоном, оккультистом, спиритом, чародеем и всем, иже не Единому Богу веруют, но бесов почитают, и не Богу смиренно жизнь свою предают, но чародейным бесов призыванием грядущее ведети тщатся АНАФЕМА (трижды)
Отступающим от Православныя веры и приемлющим иныя исповедания на соблазн братиям нашим и отпадающим в расколы АНАФЕМА (трижды)
Богопротивным человекам злым, дерзнувшим даже и на убиение Божия святаго Царя-мученика АНАФЕМА (трижды)
Гонителем Христовыя Церкви, нечестивым отступником, подъявшим руки на священнослужителей Божиих, попирающим святыцни, разрушающим храмы Божии, истязующим братию нашу и осквернившим отечество наше АНАФЕМА (трижды)
Нападающим на Церковь Христову и учащим, яко Оная разделися на ветви, яже разнятся своим учением и жизнью, и утверждающим Церковь не сущу видимо быти, но от ветвей, расколов и иноверий соединитися имать во едино тело; и онем, иже не различают истинного священства и таинств Церкви от еретических, но учат, яко крещение и евхаристия еретиков довлеют ко спасению; и онем, иже имут общение с сими еретики или пособствуют им, или защищают их новую ересь экуменизма, мняще ю братскую любовь и единение разрозненных христиан быти АНАФЕМА (трижды)
Соблазнителем и ругателем рода человеческаго и Богозданныя природы извратителем, сеющим разврат и над деторождением глумящимся, соблазняющим сестер наших к детоубийству во утробах матерних творити и безвозрастных младенцев, яко бездушных, извергати, еще же из их телес и крови скверную прибыль имати АНАФЕМА (трижды)
Иные возглашения, написанные в прежние веки и возглашаемые в особливых случаях
Иже кто востанет на церкви Божия, злии крамольницы и их советницы, вси татие и крадущеи святыя церкви Божия, и аще не останутся таковаго злодейства от сего дне и с единомысленники их, вси начальствующии и обидящеи святыя Божии церкви и монастыреве, отнимающе у них данная тем села и винограды и аще не останутся от сего дне таковаго начинания, но и еще помышляюще таковое злодейство, дабудет АНАФЕМА (трижды)
Не следующим обычаям Церкве, иже уставлены быша на седми Вселенгских Соборех, такожде и Святей Пасце и месяцеслову, иже они правильно уставиша и предаша нам на последование, но желающим последовать новоявленной пасхалии и новому месяцеслову безбожных папских астрономов; и, противясь оным обычаем Церкви, желающим ниспровергнуть и развеять догматы и обычаи Церкве, ихже мы от отец прияхом, АНАФЕМА (трижды)
Мы призываем всех благочестивых и православных христиан: стойте твердо в том, еже вы приясте, в онем же вы рождени бысте и на онем же вы вскормлени бысте, а егда время и обстояние призовут к тому, излейте самую кровь вашу, дабы сохранить и веру, преданную нам от отец наших и сохранить ваше исповедание. Остерегайтесь таковых людей и бдите, дабы Господь наш Иисус Христос споборал вам. Да будет благословение нашего смирения на всех вас. Аминь.
эти анафематизмы были провозглашены 16 марта 2003 года
по случаю праздника Торжества Православия